Tacikistanın “Somon Air” aviaşirkəti bu il Düşənbədən Bakıya reyslərin açılmasını planlaşdırır.
Bu barədə “Report”a açıqlamasında Tacikistanın “Dourgard Adventures” tur-operatorunun direktoru Gülrüxsor Nurova deyib.
“Hazırda Düşənbə-Bakı arasında uçuşlar test rejimində həyata keçirilir. Reyslərin mütəmadi olması planlaşdırılır”, - deyə G.Nurova bildirib.
O hesab edir ki, iki ölkə arasında əlavə reyslərin açılması xalqlar arasında dostluq münasibətlərinin inkişafına töhfə verəcək:
“Bundan əlavə iki ölkə arasında mövcud olan vizasız rejim də turizm sahəsində əməkdaşlığı gücləndirəcək”.
Qeyd edək ki, “Somon Air” Tacikistanın milli aviadaşıyıcısıdır və Düşənbə hava limanında yerləşir. Aviaşirkət beynəlxalq sərnişin reyslərini Düşənbə və Xucənd şəhərlərindən həyata keçirir.
“Azərbaycan Hava Yolları” QSC-nin aşağı büdcəli törəməsi olan “Buta Airways” aviaşirkətinin təyyarəsinin Tacikistanın paytaxtı Düşənbə şəhərinə ilk uçuşu 2023-cü ilin may ayında həyata keçirilib. Bakı-Düşənbə-Bakı aviareysi üzrə uçuşlar həftənin cümə axşamı reallaşırdı. Heydər Əliyev Beynəlxalq Aeroportundan verilən məlumata görə, hazırda iki ölkənin paytaxtı arasında birbaşa uçuşlar həyata keçirilmir.
Dağların qoynu ilə çəkilən Şuşa-Laçın yolu ilin bütün fəsillərində olduğu kimi, baharda da əsrarəngiz təbiət mənzərələri ilə diqqəti çəkir. Şuşadan Laçınadək irəlilədikcə yolboyu açılan əsrarəngiz gözəlliklər - zümrüd meşələr, yaşıl yamaclar, dumandan örpək bağlayan qoca dağlar, rəngbərəng dağ çiçəkləri, saf dağ havası insanı valeh edir.
Ötən gecə Bakıda bir neçə saat ərzində külə dönən məşhur gül mağazası “Ağ çiçəyim”in yanğından sonrakı görüntüləri yayılıb.
Dünya bazarlarında “Azeri Light” (CIF) markalı Azərbaycan nefti bahalaşıb.
